Швајцарецерот Роже Федерер конечно успеа да ја прекине неверојатната низа на Србинот Новак Ѓоковиќ од 41 победи во низа која траеше цели шест месеци. Федерер беше подобар во полуфиналето на Ролан Гарос победувајќи со резултат од 3-1, по сетови 7:6, 6:3, 3:6 и 7:6, па така во финалето ќе игра со првиот на АТП листата Рафа Надал. Дуелот Федерер –Ѓоковиќ траеше три часа и 39 минути.
- Беше одличен турнир. Ова беа најдобрите шет месеци од мојот живот и во мојата тениска кариера. Не можам да се пожалам. Дефинитивно беше неверојатен период. Мораше да заврши некогаш. Знаев дека доаѓа тој ден, но за жал дојде во лош момент. Денеска беше голем меч. Но тоа е спортот. Ќе продолжам да работам напорно, рече Ѓоковиќ по мечот.
Ѓоковиќ беше на само еден меч зад подвигот на легендарниот Џон Мекинро од 1984 година од 42 победи по ред во сезона.
Извор: Канал 5