Рафаел Надал играше како се уште да се сеќаваше на својот единствен пораз на Ролан Гарос, победувајќи го Швеѓанецот Робин Содерлинг со 6:4/6:1/7:6(3) за по шести пат да влезе во полуфиналето во Париз. Петкратниот шампион, кој загуби од Содерлинг во 4. коло во 2009, но потоа го совлада во минатогодишното финале, има 43-1 скор на гренд слемот на земја и е на две победи од израмнувањето на рекордот на Бјорн Борг од шест титули од Францускиот Опен.
"Поминав, сега сум во полуфиналето и тоа е најважно. Ќе морам да играм и многу подобро ако сакам да ја освојам титулата", изјави Надал.
Следен за Надал е четвртиот носител, Енди Мареј, откако финалистот од Австралискиот Опен со 7:6(2)/7:5/6:2 беше подобар од Аргентинецот Хуан Игнасио Чела, за прв пласман во полуфинале во Париз. Победата на Мареј осигура дека првите четири носители влегоа во полуфинале на еден гренд слем само 12-ти пат во Опен Ерата, откако во второто полуфинале ќе се сретнат Новак Ѓоковиќ и Рожер Федерер.
Мареј, кој се мачеше со повреда на скочниот зглоб пред да го совлада Виктор Троицки во пет сета во два дена, имаше лош почеток против Чела, откако губеше со 4:1 во првиот сет, пред да направи импресивен камбек.
Извор: Иди Види