Меѓународната автомобилистичка федерација на вчерашната седница едногласно потврди, дека трката од шампионатот во Формула 1 за Големата награда на Бахреин и дефинитивно е откажана. Со неа требаше да биде отворена новата натпреварувачка сезона но, поради немирите во азиската држава и загрозената безбедност на возачите и екипите во Формула 1, тие воопшто не се појавија на патеката. Во меѓувреме имаше одредени иницијативи од страна на челниците на овој спорт трката да биде преместена за 30 октомври, на што бурно реагираа дел од раководствата на екипите. Имено, за тој датум во календарот на ФИА е предвиден собирот за Големата награда на Индија.

Извор: VOX